Ohcan, luoikkaheapmi ja diŋgon
Ohcan
BIBSYS fállá iešguđetlágan ohcanreaidduid iešguđet ulbmiliidda. Dain leat muhtumat ráhkaduvvon ohcama várás vissis ohcangálduin, ja earát fas oktasaš ohcamiid várás. Oktasaš ohcamiin ozat máŋgga diehtovuođuin ovtta ja seamma ohcanlavttas. BIBSYS Ask ja BIBSYS Mime sáhttet geavahuvvot oktasaš ohcamis.
BIBSYS Ask – ohcan Girjerádjodiehtovuođus, ForskPub:s, ForskPro:s ja BIBSYS Fáddáuskkádagas
BIBSYS Brage – ohcan ásahuslaš arkiivvain
BIBSYS Fáddáuskkádat – ohcan kvalitehta dáfus sihkkarastojuvvon neahttasiidduin
BIBSYS Galleriija – ohcan govvačoakkáldagain
BIBSYS Mime – ohcan máŋga diehtovuođus
BIBSYS Tyr – ohcan áigečállagiin
Luoikkaheapmi ja diŋgon
Jus don lea BIBSYS-girjeráju luoikkaheaddji (dakkár girjerájus mii geavaha BIBSYS Girjerádjovuogádaga), de sáhtát diŋgot artihkkaliid máŋgosiid ja girjjiid ja eará ávdnasiid luoikkaheami neahta bokte.
Máŋgosiid ja luoikkahemiid diŋgoma sáhttá dahkat sihke BIBSYS Ask ja BIBSYS Mime bokte. Don geavahat ’Mu siidu’ guhkidit luoikkahanáiggi ja geahččat maid don leat luoikkahan, diŋgon ja ožžon várrejuvvot girjerájus.
Persovnnalaš luoikkaheaddji
Persovnnalaš luoikkaheaddjis lea luoikkaheaddjiID logiin mearkkain, omd. abc1234567. Dán oaččut girjerájus, it ge BIBSYSas. Jus it lea sisaloggejuvvon go diŋgot, de fertet almmuhit luoikkaheaddjiID go diŋgot, maŋŋágo leat ohcan ja gávdnan dan maid don áiggut.
Diŋgomat mannet dan girjerádjui mas don leat luoikkaheaddji, beroškeahttá das guđe girjerájus lea dat dokumeanta. Vaikke vel diŋgon lea ge registrerejuvvon, de ii leat daddjojuvvon ahte dát girjerádju dat doaimmaha diŋgoma. Dat sorjá das guđe njuolggadusat du girjerájus leat. Váldde oktavuođa girjerájuin jus ležžet gažaldagat diŋgomiid, luoikkahemiid, várremiid dahje eará girjerádjobálvalusaid birra:
Girjerádju luoikkaheaddjin
Norgga ja olgoriikka girjerájut geavahit nationála girjerádjonummira ja gullevaš autorisašuvdnakoda go sáddejit máŋggus- ja luoikkahandiŋgomiid BIBSYS-girjerájuide. Goappašagaid addá Nationála girjerádju, ii ge BIBSYS. Sisaloggedettiin doaibmá girjerádjonummir geavaheaddjinamman, ja autorisašuvdnakoda doaibmá beassansátnin.
Váldde oktavuođa Nationála girjerájuin dán leaŋkka bokte vai oaččut nationála girjerádjonummira ja autorisašuvdnakoda, dahje jus áiggut dieđihit rievdamiid girjeráju namas, čujuhusas dahje eará:
